كتير مننا بيشتكي من حال الدنيا والعيشة اللى احنا عايشنها وناسيين حجات كتيرة اوي ربنا مديهالنا واحنا مش بنفكر فيها من الاساس لانها شئ طبيعي انها تكون موجودة في حياتنا.
حد فكر قبل كده يعني ايه بيت ؟؟؟؟
يعني ايه كل يوم ترجع وتبات في شقتك او في بيتك وسط اهلك ؟؟؟؟
اكيد مش كتير فكروا فب الموضوع ده عارفين ليه ؟؟ لان زي ما قلتلكو أنه طبيعي انك حتروح وتنام في بيتك كل يوم مع أهلك سواء كنت ساكن في فيللا او في شقة في منطقة شعبية.
مفهوم البيت هوا هوا مهما اختبف مستواه أو مكانه والاختلاف بين البيت العادي والفيلات أو الشقق الفاخرة عبارة عن المكان وشوية حجات تانية متعلقة بالشكل والمحتوي لكن الاتنين بيأدوا نفس الغرض الأساسي المطلوب منهم ألا وهو " المبيت ".
أنا واحد من الناس تعرضت لتجربة خلتني أفكر في الموضوع ده. وقبل ما اي حد يسرح بخياله ويقول يا حرام وياعيني ده الواد مكنش لاقي حتة ينام فيها ولا لقمة عيش يا كلها
احب اقولكو اطمنوا اني " عايش " وخدوا بالكو كويس اني قلت عايش ومش ساكن لانها تفرق كتير اوي
كنت عاايش في منطقة راقية جدا جدا جدا وكنت بنام في أوضة لوحدى ( مع العلم باني في بيتي مليش اوضة لوحدى) وكان الناس كويسين معايا وبالكل كويس وكل حاجة تمام
ومع ذلك كنت حاسس انى مش مرتاح... ناس حتقوللي بيه ياعم هوا حد لاقي ؟؟؟ حقولك جرب الاول وبعديت اتكلم واحكم
احساس انك مش في بيتك احساس قاتل ومهما كان الناس اللى انت قاعد عندهم بيحبوك أو قريبين منك فانت في الأول والآخر اسمك ( ضيف )
انا كنت سعات ببص للناس ومش حقول احسدها ولكن بغبطها (يعني بتمني اكون زيهم من غير أذية ليهم ) لمجرد انهم مروحين لبيتهم سواء كانوا راكبين BMW
او راكبين عجلة لانهم عارفين وجهتهم في نهاية اليوم " لبيتهم " وانا كنت عمال بضيع في الوقت واتمشي واخرج لوحدي عشان اقلل ساعات وجودي في المكان اللى كنت قاعد فيه عشان اقلل احراجي
بجد يا جماعة لو الواحد مننا فكر في حجات كتير اوي ربنا مديهالو
لو فكر لمدة 5 دقايق بس أنه ممكن يفقدها أو ان في ناس تانية مش لاقية اللى عنده
اكيد اكيد باله حيرتاح وحيقدر يعرف انه احسن من ناس تانية كتير ونظرته اكيد حتختلف لحياته وللدنيا.
حد فكر قبل كده يعني ايه بيت ؟؟؟؟
يعني ايه كل يوم ترجع وتبات في شقتك او في بيتك وسط اهلك ؟؟؟؟
اكيد مش كتير فكروا فب الموضوع ده عارفين ليه ؟؟ لان زي ما قلتلكو أنه طبيعي انك حتروح وتنام في بيتك كل يوم مع أهلك سواء كنت ساكن في فيللا او في شقة في منطقة شعبية.
مفهوم البيت هوا هوا مهما اختبف مستواه أو مكانه والاختلاف بين البيت العادي والفيلات أو الشقق الفاخرة عبارة عن المكان وشوية حجات تانية متعلقة بالشكل والمحتوي لكن الاتنين بيأدوا نفس الغرض الأساسي المطلوب منهم ألا وهو " المبيت ".
أنا واحد من الناس تعرضت لتجربة خلتني أفكر في الموضوع ده. وقبل ما اي حد يسرح بخياله ويقول يا حرام وياعيني ده الواد مكنش لاقي حتة ينام فيها ولا لقمة عيش يا كلها
احب اقولكو اطمنوا اني " عايش " وخدوا بالكو كويس اني قلت عايش ومش ساكن لانها تفرق كتير اوي
كنت عاايش في منطقة راقية جدا جدا جدا وكنت بنام في أوضة لوحدى ( مع العلم باني في بيتي مليش اوضة لوحدى) وكان الناس كويسين معايا وبالكل كويس وكل حاجة تمام
ومع ذلك كنت حاسس انى مش مرتاح... ناس حتقوللي بيه ياعم هوا حد لاقي ؟؟؟ حقولك جرب الاول وبعديت اتكلم واحكم
احساس انك مش في بيتك احساس قاتل ومهما كان الناس اللى انت قاعد عندهم بيحبوك أو قريبين منك فانت في الأول والآخر اسمك ( ضيف )
انا كنت سعات ببص للناس ومش حقول احسدها ولكن بغبطها (يعني بتمني اكون زيهم من غير أذية ليهم ) لمجرد انهم مروحين لبيتهم سواء كانوا راكبين BMW
او راكبين عجلة لانهم عارفين وجهتهم في نهاية اليوم " لبيتهم " وانا كنت عمال بضيع في الوقت واتمشي واخرج لوحدي عشان اقلل ساعات وجودي في المكان اللى كنت قاعد فيه عشان اقلل احراجي
بجد يا جماعة لو الواحد مننا فكر في حجات كتير اوي ربنا مديهالو
لو فكر لمدة 5 دقايق بس أنه ممكن يفقدها أو ان في ناس تانية مش لاقية اللى عنده
اكيد اكيد باله حيرتاح وحيقدر يعرف انه احسن من ناس تانية كتير ونظرته اكيد حتختلف لحياته وللدنيا.
9 comments:
بجد الموضوع ده مهم جدا جدا خاصة فى الوقت الحاضر فى ظل الفجوة الكبيرة بين الطبقات فى مجتمعنا .. وللأسف الإحساس بالرضا هو من تعاليم ديننا على الأقل للراحة النفسية !! وللمثالية أعتقد أنه يجب أن يلازمه الطموح .. فالرضا والطموح هما أول خطوة لطريق النجاح
وأشكرك يا محمد على كلماتك الرقيقة فى مدونتى .. وتقبل صداقتى
كريم
كلام جميل ومهم بس الناس مش حاسة بيه لأنهم عايزين الأفضل فى كل شىء مش فى مستواهم الإجتماعى وشكل عيشتهم بس بل فى مستوى تعليهم وإختيار الزوج أو الزوجة ....إلخ
السلام عليكم
انا حاسه بيك جدا بكل كلمة قلتها لانو حصلى نفس الموقف وسعتها فكرت انو بجد لو مافيش يوم صعب وحزين مش حنحس باليوم السعيد لانو كل الايام حتكون زى بعض
وانو حلاوة الحياه فى صعوبتها ومشاكلها
ولازم الواحد يقول لنفسو وهو فى مشكله انها حتعدى وانو لما حيفتكرها حيتعلم من الخطأ
كلام سليم يا كريم
وزى منتا قلت الرضا مهم
وانا بعتبره القاعدة لانطلاق الطموح فبدون الرضا لن تشعر انك ستحقق شيئا وستنشغل بالسخط على حالك والحقد على الآخرين وسيكون اخر همك ان تطور من نفسك وامكانياتها
واضف الى ذلك الى عدم توفيق ربنا لك
وكما قالت جداتنا قديما في المثل الشعبى
البطران سكته قطران
فعلا كلمات حكيمة
لكي يتحقق لهم الأفضل يا حسين يجب ان يتذكروا ما في أيديهم من نعمة مهما كانت قليلة او صغيرة
ويجعلوا منها شعلة لكي تنير لهم طريقهم الى الأفضل في كل شئ كما ذكرت انت
وشكرا على تعلبقك
توكا
متألقة كعادتك في الردود
انتى أثرتي فعلا نقطة مهمة وهيا اهمية الصعاب في حياتنا
واهمية الاخفاق
في اللغة يقولون ان التضاد يبرز الشيء ويقويه
فالحزن يبرز السعادة
والاخفاق يبرز النجاح
ولازم فعلا نتعلم من اي تجربة دخلناها
سواء كانت فاشلة او ناجحة
اشكرك على كلامك الرقيق
عندك حق بس هوه مش موضوع مكان على قد ما هو موضوع ناس اللى معاك يعنى لو معاك اهلك مش هتحس انك فى مكان غريب مش هتحس بالغربه اوى
اكيد كلامك صح يا بسنت
بس من واقع تجربة قليل اوي اللى حيستحملوكي من العيلة او انتى كمان حتستريحي
ممكن يكون جدك أو جدتك
طبعا انا مش بتكلم عن الأب والأم ده شيء مفروغ منه
لكن غير دول اعتقد ان الراحة بتكون لفترة محدودة - زى عروض التخفيضات كده - وبعدين بتقل تدريجيا مع طول المدة
والصراحة
ده شيء طبيعي بالنسبة لظروف العصر اللى احنا فيه ده
وشكرا لاول رد ليكي يا بسنت ويارب يكون البلوج عجبك
فعلا الموضوع مهم جدا وبخاصه اننا بنعيش فى مجتمع طبقى جدا فيه ناس عايشه فى فيلل وفى ناس عايشه فى عيشش ومن هنا بتيجى التفرقه اللى بتولد نوع من الحقد عند الطبقات الفقيرة ونوع من الاحتقار عند الطبقات الغنيه علشان كدا مفيش نوع من المشاركه فى مجتمعنالان مفيش حد بيحس بحد نهائى كله بيفكر فى نفسه واكيد انه لو حصل العكس وابتدينا نحس ببعض ممكن نتغير كتير ومش هيبقى فى حقد او احتقار من اى حد ولاى حد
Post a Comment