ليه كده بس

حاجة تغيظ الصراحة
اول مرة تحصل للأهلي من فترة كبيرة اوي انه يكون متقدم بهدفين وييجي فيه هدفين في 10 دقايق !!!!!!!
ليه كده بس؟؟؟
المباراة كانت حلوة وماشبة تمام وزي متمنيت ان الأهلي يلعب للفوز وبطريقة هجومية وده فعلا اللى كان حاصل




في بداية الشوط الأول ولحد الهدف الأول الاهلي ضيع حوالى 3 فرص مؤكدة
ومع بداية الشوط التاني قلنا خلاص المتش في جيبنا بعد هدف فلافيو
طيب ايه اللى حصل ؟؟؟؟
في رأيي التغييرات العجيبة اللى لا خلتنا لا ندافع ولا نهاجم
ليه تطلع عماد وتنزل حسام عاشوور ؟؟؟؟ اكيد عشان تقفل ورا
طب وليه الدفاع مكنش مظيوط بعد التغير !!!!!
طب وليه نزلت اسامه حسني ؟؟؟ عشان تهاجم ؟؟؟؟
طب مكان عندك عماد وكمان الهجوم متظبطش
انا الصراحة كنت متوقع اي هدف لصن داونز ييجي في أي وقت
لكن مكنتش متوقع انهم يبقو اتنين

على كل حال النتيجة تعتبر حلوة ولسه الفرص كتيرة
ولكن المشكلة اللى مخليانا متدايقين هيا سير المباراة وشكلها

والهدف الثاني - على ما افتكر - كانت غلطة مستفزة من طارق السعيد اللى كان بيتمشي بعد ما الكورة اتخطفت منه وكمان محدش مغطي مع اللى جاب الهدف والصراحة لا يسأل الحضري عن الهدفين

على العموم مش مشكلة وطلعنا بأقل الخسائر وتتعوض في القاهرة
مع العلم برده ان الفرقة مش سهلة اوي زي محنا فاكرين
والى لقاء في متشات الدوري

أهـــداف الأهــلي

تحميل الهــدف الأول
http://www.yallakora.com/goals/dsl/Baraka-Ahly-Sun-01.WMV

تحميل الهدف الثـاني

http://www.yallakora.com/goals/dsl/Flavio-Ahly-Sun-02.WMV

أهـــداف صن داونز

تحميل الهدف الأول

http://www.yallakora.com/goals/dsl/Oscar-Sun-Ahly-01.WMV
تحميل الهدف الثاني
http://www.yallakora.com/goals/dsl/Sun2-Ahly-Sun-02.WMV
الأهداف مقدمة من موقع يلا كورة