" اللى ميعرفش يقول عدس "
مين فينا مسمعش المثل ده ؟؟ اكيد كلنا سمعناه
والصراحة انا مش فاهم ايه المقصود بكلمة عدس
هل دي كناية عن انك تقول اي حاجة وخلاص ؟؟؟
ولا ده سيم معين ؟؟؟ ولا ايه علاقة العدس بالموضوع اصلا؟؟؟
النقطة اللى جاي اتكلم فيها النهاردة انا بعتبرها من اهم الحجات اللى خلتنا نوصل للحالة العظيمة اللى احنا فيها
وهيا انك متعرفش وتقول و تفتي وتنصح و...و...و
المسألة دي ماقل مايقال عنها انها مصيبة يا جماعة
حضربلكو مثل
النت اللى انا قاعد عليه دلوقتي سرعته 256 وطبعا كلنا عارفين ان دي سرعة التصفح browsing
ولو عاوز تجيب سرعة التحميل ابقى اقسمها على 8 يديلك اقصي سرعة بالكيلو بايت ( معلومة اهي ببلاش )
المهم عشان منخرجش عن الموضوع
كلكم اكيد متخيلين ان الخط ده ليا لوحدي او بالكتير لاتنين
بصوا المفاجأة
الخط ده مشترك فيه 6
اه والله العظيم 6 شفتو المصيبة والكارثة
حتقولولي حيلك حيلك احنا مالنا ياعم ومال النت بتاعك انت حتلم تبرعات ولا ايه ؟؟
حقولكو استنو ما هوا ده صلب الموضوع اللى انا جاي اتكلم فيه
المأساة دي كلها حصلت بسبب ان حد ملوش في الكمبيوتر من الأساس ومبيعرفش بس مسكتش وراح قايل عدس
راح اتفق وظبط كل حاجة وهو ميعرفش اي حاجة في أي حاجة
ده مثل بسيط
قيس على كده كل حاجة بتحصل حواليك
اكيد كلنا حصل في العيلة الحوار ده :
انت : لا انا يا تيتة عندي شوية صداع وهمدان شوية ومش حقدر اجي
تيتة: اه تلاقيك جالك برد ( مع اننا في عز الصيف ماعلينا ) خد دوا كزا ودوا كزا ودوا كزا
مع ان الصداع ممكن يكون لميت سبب
والأهم من كده ان تيته اصلا ملهاش في الطب ولا حتة بقرص اسبرين
واللى يفتي في الرياضة والسياسة والدين ( ودي في حد ذاتها مصيبة ) واعتقد لما الرسول - ص - قال حديث فيما معناه ان اللى حيبلغ عنه حاجة كذب فليتبوأ مقعده من النار كان بيعلمنا اننا منفتحش بقنا ونقول كلمة الا واحنا متأكدين منها في أي مجال فعلا والله نعم المعلم والمربي يا رسول الله
ادي درس من 14 قرن ولكن مين يفهم ومين يعقل
انا يا جماعة مهندس مدني ولما حاجة في تخصصي مش عارفها عمري ماقلت اه دي حتتعمل كزا وكزا وكزا بقول مش عارف واحاول اتعلمها لان اي غلطة ممكن تروح فيها ارواح ناس
المشكلة ان الناس مفكرة انها لو قالت مش عارفة تبقى متخلفة ولا جاهلة
دي عادات متخلفة ولازم احنا اللى نغيرها ولو مغيرنهاش قول على بلدك يا رحمن يارحيم
طيب اكيد ل واحد حيقولي يعني انت عاوز كل واحد يتكلم في تخصصه وبس ؟؟
لا طبعا انا من الناس اللى بتشجع جدا انك تقرا في كل حاجة وتعرف وتسأل وتشوف
ولكن متتكلمش غير وانت متأكد غير وانت قاري المعلومة اللى حتقولها
واكيد حيبان لانك حتستشهد في كلامك باللى قريته
بجد يا جماعة يلا بينا نحاول نغير العادة اللى جايبانا ورا دي
ونخلى اللى ميعرفش يقول
............
What ?
مين فينا مسمعش المثل ده ؟؟ اكيد كلنا سمعناه
والصراحة انا مش فاهم ايه المقصود بكلمة عدس
هل دي كناية عن انك تقول اي حاجة وخلاص ؟؟؟
ولا ده سيم معين ؟؟؟ ولا ايه علاقة العدس بالموضوع اصلا؟؟؟
النقطة اللى جاي اتكلم فيها النهاردة انا بعتبرها من اهم الحجات اللى خلتنا نوصل للحالة العظيمة اللى احنا فيها
وهيا انك متعرفش وتقول و تفتي وتنصح و...و...و
المسألة دي ماقل مايقال عنها انها مصيبة يا جماعة
حضربلكو مثل
النت اللى انا قاعد عليه دلوقتي سرعته 256 وطبعا كلنا عارفين ان دي سرعة التصفح browsing
ولو عاوز تجيب سرعة التحميل ابقى اقسمها على 8 يديلك اقصي سرعة بالكيلو بايت ( معلومة اهي ببلاش )
المهم عشان منخرجش عن الموضوع
كلكم اكيد متخيلين ان الخط ده ليا لوحدي او بالكتير لاتنين
بصوا المفاجأة
الخط ده مشترك فيه 6
اه والله العظيم 6 شفتو المصيبة والكارثة
حتقولولي حيلك حيلك احنا مالنا ياعم ومال النت بتاعك انت حتلم تبرعات ولا ايه ؟؟
حقولكو استنو ما هوا ده صلب الموضوع اللى انا جاي اتكلم فيه
المأساة دي كلها حصلت بسبب ان حد ملوش في الكمبيوتر من الأساس ومبيعرفش بس مسكتش وراح قايل عدس
راح اتفق وظبط كل حاجة وهو ميعرفش اي حاجة في أي حاجة
ده مثل بسيط
قيس على كده كل حاجة بتحصل حواليك
اكيد كلنا حصل في العيلة الحوار ده :
انت : لا انا يا تيتة عندي شوية صداع وهمدان شوية ومش حقدر اجي
تيتة: اه تلاقيك جالك برد ( مع اننا في عز الصيف ماعلينا ) خد دوا كزا ودوا كزا ودوا كزا
مع ان الصداع ممكن يكون لميت سبب
والأهم من كده ان تيته اصلا ملهاش في الطب ولا حتة بقرص اسبرين
واللى يفتي في الرياضة والسياسة والدين ( ودي في حد ذاتها مصيبة ) واعتقد لما الرسول - ص - قال حديث فيما معناه ان اللى حيبلغ عنه حاجة كذب فليتبوأ مقعده من النار كان بيعلمنا اننا منفتحش بقنا ونقول كلمة الا واحنا متأكدين منها في أي مجال فعلا والله نعم المعلم والمربي يا رسول الله
ادي درس من 14 قرن ولكن مين يفهم ومين يعقل
انا يا جماعة مهندس مدني ولما حاجة في تخصصي مش عارفها عمري ماقلت اه دي حتتعمل كزا وكزا وكزا بقول مش عارف واحاول اتعلمها لان اي غلطة ممكن تروح فيها ارواح ناس
المشكلة ان الناس مفكرة انها لو قالت مش عارفة تبقى متخلفة ولا جاهلة
دي عادات متخلفة ولازم احنا اللى نغيرها ولو مغيرنهاش قول على بلدك يا رحمن يارحيم
طيب اكيد ل واحد حيقولي يعني انت عاوز كل واحد يتكلم في تخصصه وبس ؟؟
لا طبعا انا من الناس اللى بتشجع جدا انك تقرا في كل حاجة وتعرف وتسأل وتشوف
ولكن متتكلمش غير وانت متأكد غير وانت قاري المعلومة اللى حتقولها
واكيد حيبان لانك حتستشهد في كلامك باللى قريته
بجد يا جماعة يلا بينا نحاول نغير العادة اللى جايبانا ورا دي
ونخلى اللى ميعرفش يقول
............
What ?
3 comments:
الموضوع فعلا منتشر اوى وخطير فعلا لانه ممكن يسبب مشاكل خطيرة لناس كتير ويوقعنا فى غلط كبير ولكن الناس كلها بتحب تفتى وخاصة الشعب المصرى لان الاغلبيه فاضيين ومش لاقين حاجه تشغلهم فمبجرد ان موضوع يتفتح كله بيستعرض الثقافه اللى هى مش ثقافه وانما معناها الصح انها افتا لمجرد انه يحس انه مندمج فى الموضوع وفاهم وبيشارك ودا بقى غلط الغلط لانه "بيزود الطينه بله" وبدل مايشارك بيعك زيادة واهو كلام والسلام ومحدش بيدور وراه والكلام مش بفلوس .بس دا غلط ولازم فعلا نبطل العاده دى
بغض النظر انو المثل مالوش علاقه بالموضوع الا انو كويس انو انت فهمتو كده لانو بجد الصفه الوحشه دى فى اكتر الشعب المصرى ومن الصفات اللى بجد لازم تتغير واكتر حاجه تنرفز لو انت مسافر لمحافظه جديده ومش عارفها وعاوز تروح مكان معين وبيقولو اللى يسأل ما يتهش بس للاسف العباره دى بالعكس تماما لانو كل واحد بيفتى وبيقول وصفه شكل وفى الاخر يطلع عينك وتقول انا اروح احسن
دا فعلا بيحصل يعنى ايه المشكله لو توفر على نفسك وعلى الغريب وتقولو انا بصراحه معرفش المكان ده لا عيب ولا حرام
بس تقولو لمين يلا بس يارب نتعلم بقه
شكرا يا توتا ويا توكا على الردود بتاعتكو
وانا متفق تماما في اللى ضفتوه
وفعلا حكاية انك تسأل حد على مكان ويدلك غلط منتشرة جدا
وخاصة في القاهرة
وشكرا ليكو واتمني اشوف بقية الردود والآراء
Post a Comment