يا عم عمــرو هوا الكينج و مفيش غيــره "
" بس يا بني منك له وللديابية وبس شريط عمرو الجديد نازل يوم كزا وعلى ضمانتي "
" طوارئ في جميع المواقع والمنتديات استعدادا لنزول شريط عمرو الجديد "
" لعيون القمــر وعشان خاطر كل القمراوية البوستر الجديد لالبوم مش عارف ايه "
" وراك يا تامر لفين متروح احنا وكل التمورية حتى لو دخلنا السجن "
حد سمع الكلام اللى فــات ده قبل كده ؟؟؟
اكيد لو دخلت منتديات الاغاني حتلاقي الكلام ده كتير ويا سلام بقى لو المنتدي ده فيه روابط لعشاق المطرب الفلاني والعلاني
ويا حلاوة بقى لو المطرب ده عاملينله منتدي لوحده تبقى حاجة اخر اليستا
ايه يا جماعة اللى بيحصل ده
!!!!!!!!
بجد وصلت بينا التفاهة لكده !!!! ووصل بينا الفراغ اننا نقعد نضيع ايام من عمرنا علشان نجيب اخر بوستر لعمرو وسامبل لتامر و لحن للقمر ؟؟
حتقولولي ياعم محبكها ليه ما كل واحد وليه مطربه المفضل
بغض النظر عن ان الاغاني حرام ولا حلال وده موضوع مش حخوض فيه
اقولك ماشي ياعم كل واحد ليه مطربه المفضل اللى بيحب يسمعه لما يكون فاضى في وقت فراغه او في عربيته او في حاجة هوا بيعملها كده ومش محتاجة تركيييز
انما الموضوع يوصل لانك تبقى مكرس كل حياتك عشان تجيب خبر او صورة او حتة من اغنية لسه حتطلع يبقى لا
الموضوع محتاج وقفة
بصو اقولكو حاجة انا بحب مصطفى قمر
دخلت منتدي ليه كرهته من الناس اللى فيه
اللى عمال يقول انا قمراوي وبحب عيونك يا قمر
واللى يقولك لو انت قمراوي بجد ادخل
ومحسسني ان مصطفي قمر رجع الآندلس ولا حتى حرر القدس
انا مش بتريق عليه انا مليش دعوة بيه
ولكن كل شيء زاد عن حده اكيد اكيد يتقلب ضده
بس الصراحة كله كوم واللى بيحبو عمرو كوم تاني
متهيألى دول اتفه ناس في مصر وحازو على
" Tafaha AwarD "
ومحدش يقوللى انت كده بتشتم فيهم يا جماعة بجد ادخلو على موقع
www.dvd4arab.com
وشوفو الرابطة اللى عاملينها لعمرو دياب وشوفو التفاهة بعينها ومناخيرها وكل حاجة
ملاحظة: انا اديت لينك الرابطة عشان تتأكدو من اللى بقوله وانا برئ من اللى حينزل اغاني او اي حاجة تانية
حديكو مثالين : لما طلع رامي صبري فضلو يشتمو فيه وكأن ده شيء طبيعي ولا حتى المشرف اعترض ولا حذف المشاركات دي
اللى يقولك ده شبه عبده الحلاق واللى يقولك ده مجرد شبيه لعمرو واللى عمله طارق العريان وكلام كده ملوش اي لازمة
حتى تامر حسني اتشتم ووصفوه بالصرصار
حاجة تحرق الدم فعلا
المهم واحد حيقولى طيب يا عم ما في الأهلاوي والزملكاوي والبرشلوني الخ
حقولك جمييل جدا انك اثرت النقطة دي
اولا : انا برفض التعصب في اي حاجة يعني لو انا اهلاوي اشحع فرقتي وخلاص لا اشتم ولا اجرح في الناس لاننا في الأول وفي الآخر مسلمين وميصحش نعمل كده
ثانيا : لو انت اهلاوي او زملكاوي انت مش بتشجع شخص واحد انت بتشجع كيان بحاله متمثل في النادي
بمعني لو الأهلي بيلعب سلة او يد او قدم حشجعه حشجعه حتى لو معرفش الناس اللى بتلعب دي
ولو افترضنا زاعو متش من ايام صالح سليم برده حشجع الأهلي
ولو كمان افترضنا ان انا انعزلت عن العالم لمدة 10 سنين وجعت اشوف متش ومعرفتش لعيبة الأهلي حشجعه برده لأنى اهلاوي
اذا انا مش مرتبط باشخاص معينة ولا بوجوه معينة
ثالثا : دي رياضة يعني افيد برده من الآغاني على اي حال من الأحوال
اللى عاوز اقوله لكل واحد من الناس اللى بيسمو نفسهم على اسامي المغنيين
يبني انت وهوا
انت كده بنحصر دماغك وتموتها في شخص واحد بس وهوا مهما طلع ولا نزل فمجر د شخص ومهنته انه بيغني
ممكن انت تكون احسن وافيد منه بكتيييير
وهوا مسيره يموت في يوم من الأيام وسعتها حتندم على كل الايام والثواني اللى ضيعتها في الهبل اللى انت بتعمله
فوقوا يا جماعة في حجات كتيرة اوي ممكن تعملوها وتشجعوها وتكرسو لها وقتكو
اهم من مجرد بوستر او حتة 40 ثانية من اغنية اتقالت في حفلة
وفي الآخر
انت ديابي ولا قمراوي ولا بقى ليك رأي تاني ؟؟؟؟؟؟؟؟؟
" بس يا بني منك له وللديابية وبس شريط عمرو الجديد نازل يوم كزا وعلى ضمانتي "
" طوارئ في جميع المواقع والمنتديات استعدادا لنزول شريط عمرو الجديد "
" لعيون القمــر وعشان خاطر كل القمراوية البوستر الجديد لالبوم مش عارف ايه "
" وراك يا تامر لفين متروح احنا وكل التمورية حتى لو دخلنا السجن "
حد سمع الكلام اللى فــات ده قبل كده ؟؟؟
اكيد لو دخلت منتديات الاغاني حتلاقي الكلام ده كتير ويا سلام بقى لو المنتدي ده فيه روابط لعشاق المطرب الفلاني والعلاني
ويا حلاوة بقى لو المطرب ده عاملينله منتدي لوحده تبقى حاجة اخر اليستا
ايه يا جماعة اللى بيحصل ده
!!!!!!!!
بجد وصلت بينا التفاهة لكده !!!! ووصل بينا الفراغ اننا نقعد نضيع ايام من عمرنا علشان نجيب اخر بوستر لعمرو وسامبل لتامر و لحن للقمر ؟؟
حتقولولي ياعم محبكها ليه ما كل واحد وليه مطربه المفضل
بغض النظر عن ان الاغاني حرام ولا حلال وده موضوع مش حخوض فيه
اقولك ماشي ياعم كل واحد ليه مطربه المفضل اللى بيحب يسمعه لما يكون فاضى في وقت فراغه او في عربيته او في حاجة هوا بيعملها كده ومش محتاجة تركيييز
انما الموضوع يوصل لانك تبقى مكرس كل حياتك عشان تجيب خبر او صورة او حتة من اغنية لسه حتطلع يبقى لا
الموضوع محتاج وقفة
بصو اقولكو حاجة انا بحب مصطفى قمر
دخلت منتدي ليه كرهته من الناس اللى فيه
اللى عمال يقول انا قمراوي وبحب عيونك يا قمر
واللى يقولك لو انت قمراوي بجد ادخل
ومحسسني ان مصطفي قمر رجع الآندلس ولا حتى حرر القدس
انا مش بتريق عليه انا مليش دعوة بيه
ولكن كل شيء زاد عن حده اكيد اكيد يتقلب ضده
بس الصراحة كله كوم واللى بيحبو عمرو كوم تاني
متهيألى دول اتفه ناس في مصر وحازو على
" Tafaha AwarD "
ومحدش يقوللى انت كده بتشتم فيهم يا جماعة بجد ادخلو على موقع
www.dvd4arab.com
وشوفو الرابطة اللى عاملينها لعمرو دياب وشوفو التفاهة بعينها ومناخيرها وكل حاجة
ملاحظة: انا اديت لينك الرابطة عشان تتأكدو من اللى بقوله وانا برئ من اللى حينزل اغاني او اي حاجة تانية
حديكو مثالين : لما طلع رامي صبري فضلو يشتمو فيه وكأن ده شيء طبيعي ولا حتى المشرف اعترض ولا حذف المشاركات دي
اللى يقولك ده شبه عبده الحلاق واللى يقولك ده مجرد شبيه لعمرو واللى عمله طارق العريان وكلام كده ملوش اي لازمة
حتى تامر حسني اتشتم ووصفوه بالصرصار
حاجة تحرق الدم فعلا
المهم واحد حيقولى طيب يا عم ما في الأهلاوي والزملكاوي والبرشلوني الخ
حقولك جمييل جدا انك اثرت النقطة دي
اولا : انا برفض التعصب في اي حاجة يعني لو انا اهلاوي اشحع فرقتي وخلاص لا اشتم ولا اجرح في الناس لاننا في الأول وفي الآخر مسلمين وميصحش نعمل كده
ثانيا : لو انت اهلاوي او زملكاوي انت مش بتشجع شخص واحد انت بتشجع كيان بحاله متمثل في النادي
بمعني لو الأهلي بيلعب سلة او يد او قدم حشجعه حشجعه حتى لو معرفش الناس اللى بتلعب دي
ولو افترضنا زاعو متش من ايام صالح سليم برده حشجع الأهلي
ولو كمان افترضنا ان انا انعزلت عن العالم لمدة 10 سنين وجعت اشوف متش ومعرفتش لعيبة الأهلي حشجعه برده لأنى اهلاوي
اذا انا مش مرتبط باشخاص معينة ولا بوجوه معينة
ثالثا : دي رياضة يعني افيد برده من الآغاني على اي حال من الأحوال
اللى عاوز اقوله لكل واحد من الناس اللى بيسمو نفسهم على اسامي المغنيين
يبني انت وهوا
انت كده بنحصر دماغك وتموتها في شخص واحد بس وهوا مهما طلع ولا نزل فمجر د شخص ومهنته انه بيغني
ممكن انت تكون احسن وافيد منه بكتيييير
وهوا مسيره يموت في يوم من الأيام وسعتها حتندم على كل الايام والثواني اللى ضيعتها في الهبل اللى انت بتعمله
فوقوا يا جماعة في حجات كتيرة اوي ممكن تعملوها وتشجعوها وتكرسو لها وقتكو
اهم من مجرد بوستر او حتة 40 ثانية من اغنية اتقالت في حفلة
وفي الآخر
انت ديابي ولا قمراوي ولا بقى ليك رأي تاني ؟؟؟؟؟؟؟؟؟
4 comments:
السلام عليكم
اولا ياسيدى انا لا ديابية ولا قمراوية ولا بطيخية انا الصراحة ماليش حد معين اسمعلو كل اغانية انا بحب الاغنية الحلوه اللى كلمها حلو والحانها واللى المغنى بيأديها بأحساس بغض النظر عن مين اللى بيغنى اما ثانيا فانا بكره التعصب فى اى حاجة لا فى الدين ولا فى الكورة ولا حتى الاغانى لانو اصلا اسلوب غير متحضر بالمره لانو وبكل بساطة مش كل الناس زى بعض وكلنا مختلفين وكلنا لازم نحترم رأى الاخر او شخصيتو او زوقو لانو مش معنى انو الشخص دا مش زيك يبقى غلط او متخلف او ما بيفهمش فى الفن
انا اعتقد انو المغنيين نفسهم بيكرهو الاسلوب دا لانو واحد زى اى واحد ومن حقو انو يعيش زى اى حد مش يتحبس بسبب الناس اللى بتتلم عليه فى كل مكان وبيحسبو عليه كل خطاويه
انا بس عاوزه اقول للى بيضيعو وقتهم فى الحجات دى انو بصراحة دا مضيعة لعمرك يعنى مافيش حد بيمانع انو انت تحب شخص معين او تشجعو بس يكون فى حدود وتستغل بقيت وقتك فى حجات مفيده يعنى النت فى حجات تانيه كتير مفيده وفى نفس الوقت ممتعة بدل ما الواحد بيضيع وقتو فى الشات والتعصب اللى مش حيفيدو هو شخصيا بحاجه
وماتنساش انو ربنا حيسألك انت ضيعت عمرك وشبابك فى ايه
ومن منظور تانى فكر اللى انا بعملو دا حيفدنى بالعكس حيضيع وقتك على الفاضى من غير اى افاده
وفى الاخر دا رأى اللى ممكن يكون صح او غلط
اذيك يا مصطفى موضوعك حلو اوى وعندك حق فى كل اللى قلته وفعلا لسه فى شباب كل همهم انهم يلحقوا يجيبوا اول البوم او بوستر لفنان بيحبوه ولا اكن فى حاجه تانيه فى حياتهم مهمه بس يمكن انت كنوع من الشباب قدرت تلاقى نفسك وتشغل وقت فراغك فى حاجه مفيده والحاجه دى بتفيد شباب زيك كتير بتثقفهم بطريقه سهله وبسيطه واراءك حلوه وحلاوتها انها واقعيه بس متنساش انى لسه فى شباب من ياس انهم مش لاقين شغل ولا عارفين يتجوزوا ويعيشوا حياتهم مش لاقيين حد يقولهم وينصحهم بحاجه مفيده بيخرجوا الكبت ده باهتمامهم بعمرو ولا بتامر او اى حد بس يريت تقدر تحاول تساعداللى زى دول وتفهمهم ان الحياه فيها حاجات اهم ان الواحد يفكر فيها ويخططلها كويس قبل العمر ما يعدى ويرجعوا يندموا وساعتها لا هينفعهم عمرو ولا تامر لان عمرو دياب وتامر واللى زيهم خلاص خططوا مستقبلهم ولو بيحبوهم بجد يحاولو يقلدوهم فى نجاحهم منخدش منهم صوتهم واغانيهم وبس لا ناخد ازاى بينجحوا فى حياتهم لان اللى بيحب حد بياخده قدوه ليه
الموضوع جميل اوى وفانى بجد رغم انها حاجه تزعل اوى ان احنا وصلت بينا التفاهه ان احنا مبقاش ورانا حاجه غير اننا نتابع اخبار المطرب الفلانى والمطربه الفلانيه وبقى معظم كلامنا عن شفت المطرب دا عامل ايه فى شعره ولبسه شكله ازاى وصلنا لدرجه تفاهه تخوف بس ياترى دا ليه ؟علشان الفراغ ممكن بطاله برضه ممكن بس والله فى حاجات كتيرممكن تخلينا نشغل فراغنا ونستفيد منه .وياريت نبطل تفاهه يمكن نتقدم ولا حتى نتغير للاحسن
على فكرة انت اول واحد احب مدونته بس انت ليه بتغلط فى جمهور عمرو دياب انا هقولك القصة كلها بما ان جمهور عمرو كتير فأكيد هتلاقى حلو ووحش بس الوحش هو اللى بيظهر واللى مساعدهم على كدة ان هما واثقين فى نفسهم وفنجمهم فيعنى بعد كدة ماتعممش على كل الناس
ودة وجهه نظرى يا غالى
تانى حاجه اللى خلاهم يعملوا كده لما تلاقى واحد زيك مش فاهم فى اى حاجة ولامؤاخذة بيشتم اكبر نجم فى الوطن العربى
يا راجل ده انت شتمت جمهور عمرو وماشتمتش جمهور تامر
واكبر دليل عاى انك برده متعصب هو انك عمال تقول مصطفى قمر ده طبعا علشان انت من الاسكندريه
وانت وانا عارفين ان مصطفى قمر مالوش جماهير خالص فبلاش تحشره فى كل حاجة ده اخره ابوقير
ومع احترامى ليك
انت مابتفهمش فى حاجه
وعلى فكره انا من رابطه عمرو فى الدى فى دى وعلطول بقول للناس بلاش تشتموا حد بس انت اللى خليتنى اعمل كده بسبب موضوعك العقيم يا عقيم
Post a Comment